فى عشق الجيتار ..كل ما يختر على بالك عن الجيتار+(دوره مبسطه للمبتدين) ‏

زى أى طفل بيشبط فى لعبة و هو ماشى مع باباه او مامته و قدام محل اللعب و يتنح و يشد مامته من ايديها و يعيط و يصرخ عشان عاوز اللعبة اللى لفتت نظره




حصل الموقف ده معايا من سنين كتيرة – مش اوى يعنى انا مش عجوز –


و الغريب ان اول مرة يحصل لى و اول لعبة اعمل فيها الموقف ده و يمكن الوحيدة كمان كانت جيتار بلاستيك

الجيتار انا فاكره لحد انهاردة برغم من انه مقعدش معايا اكتر من يومين و باظ
كان اد الكف و لونه أخضر فاتح و الاوتار كانت عبارة عن خيوط بلاستيك برضو

و هيا الخيوط دى اللى كانت السبب فى بوظانه و رماينه لان بعد ما قطعتها بغشوميتى الجيتار معدش له لازمة و عيطت عليه كزا يوم




و برغم انى مفتكرتش الموقف اللى حكيته ده الا من كام سنة و انا بشترى الجيتار الحقيقى .. لكن اللى اكتشفته ان الموقف ده كان اول حاجة خلتنى اعرف انى فعلا بعشق الآلة دى


و عشقى ليها حاجة مولودة معايا

من زمان جدا قبل ما الاغانى و الموسيقى تنتشر بالشكل الموجود دلوقتى كنت اول ما اسمع صوت أوتار التفت على طول و انتبه للصوت و اركز جدا معاه


كانت الاغنية تبقى شغالة و اول ما الصوابع تلمس الأوتار و صولو الجيتار يرن احس انى داخل جوة الكاسيت و عمال اتوغل جوة الاغنية لحد ما اوصل للاوتار و امسكها بايديا و مبقاش سامع غيرها و كإنى شايف الجيتاريست و حاسس بيه و هو بيعزف


و لحد انهاردة صوت أوتار الجيتار بيدخل من ودانى عشان يتوغل بطريقة غريبة لنافوخى و لروحى و لكيانى كله و بيعمل لى حالة غريبة تعجز كلماتى و كل حروفى عن وصفها

انا عندى جيتار كلاسيك شاريه من فترة مش قليلة يعنى 8 سنين كده



بس لما كنت بمسكه زمان كإن بطّة بلدى ماسكاه .. بطيخة يعنى

طبعااا البطه احلى على الاقل الواحد كان ضمن غدوه محترمه



المهم مش عاوز ادوشكوا و أطول عليكوا اكتر من كده

و نودخول فيلموضوع على طووول

انا دارس موسيقى حره وقريت جداااااااااااااااا فى الجيتار يعنى تقريبا مش قريت غيرواا والحمد لله مضيع فلوسه عاليه





طيب الموضوع ده هيكون عبارة عن ايه ؟؟
طبعا العضو الكريم زملاكاوى قام باكتير اووووووووووووى
وانا بعد ازنك يعنى هساعدك لو مش فيها رخامه
وعلى قد منقدر نخلى الموضوع كبير جداا عشان الكل يستفيد من خبرتنا حتى لو كانت صغيورها ولا انت ايه رايك يباشا؟؟


معلومات عن الآلة و عن أشهر الملحنين و العازفين و الكلام ده

طبعا طبعا

و مش بس كده

هيكون فى صور كتييييرة عن الجيتارات و انواعها و تاريخها

و مش بس كده

هيكون فى مختارات من مقطوعات و اغانى و كليبات للآلة اللى بعشقها دى

و طبعا المختارات دى هتكون متجددة باستمرار ان شاء الله



اوعى تفتكر انى هكون معاكوااااا وهكتفى بكده لاااا طبعاااااااااااااا انا فى دماغى حاجه بازن الله رهيبه
وهى بقى انى هبدااا فى دوره كامله لتعليم الجيتار وده كله هيبقى فقط وحصرى ومش موجود فى اى حته فى الدنيا غير المنتدى العملاق

يعنى مش تتعب نفسك وا تدور فى اى حته غير هنا
وبس الاصل والباقى كله تقليد
طيب هوريكواا شويه حاجات بسيطه كده عشان تعرفوواا ان الموضوع بجد وش بتهريج


بس قبل متشوف اى حاجه يعم الحاج لازم تعرف انا عامل الموضوع ده ليه .................



الهدف من الموضوع

1 – الارتقاء بالمستوى الفنى و الذوق العام للموسيقى
2 – نشر ثقافة آلة الجيتار من الناحية العلمية و التاريخية
3- المشاركة الفعالة لمحبى الآلة ( يعنى اكون فى غاية السعادة بمشاركات من محبى الجيتار سواء بمعلومة او مقطوعات )
4 – و ده هدف خاص بيا .. انى بحب الجيتار اوى و هستمتع جدا و انا بشارك فى الموضوع ده

و لو قلنا ان الجيتار مبدئيا نوعين أساسين ( كلاسيك – اليكتريك )

فى الغالب الموضوع هيكون على الكلاسيك بدرجة أكبر لانى بحبه اكتر .. و كمان عشان الجيتار بتاعى كلاسيك

وخليك معى يباشا مش تروح اى حته وهنوريك الى عمرك مشوفتوا
هو انت لسه شوفت حاجه

ونقول توكلنا على الله

هاحاول اشرح جيتار ( ميلودى و كوردات لو ربنا ادالى عمر ) و كمان شوية سلالم موسيقية

و قبل السلالم أقول نصايح للى عاوز يتعلم جيتار
1- الصبر و عدم اليأس و خصوصا فى البداية
2- حب الجيتار
3- إذا اردت ان تكون سريع فعليك بأن تتمكن من العزف ببطء
4- الجدية مع الجيتار أى انه ليس ملئ لوقت الفراغ فقط

اوك ؟
نسيب الجيتار دلوقت و نرجعله بعدين و نقول كلام عام عن السلالم الموسيقية فى جميع الآلات

ياريت إللى يحب يفهم الكلام ده يجيب ورق و قلم لان القرائة وحدها لن تكفى

* مافائدة السلم الموسيقى ؟
كل واحد بيسأل السؤال ده و يقول المهم انى اعزف و خلاص يبقى لازمة السلم الموسيقى إيه ؟
الاجابة : أى اغنية لازم تكون ماشية على سلم موحد ولا تخرج عنه
و إذا خرجت عن السلم فإن النغمات الخارجة تسمى نشاز

لو انا سألت واحد عادى عن السلم الموسيقى يرد و يقول
دو رى مى فا صول لا سى دو

و هو واثق ان دى هى الإجابة , لكن فى الحقيقة ان ده إحدى السلالم الموسيقية و ليس كل السلالم

معنى ان فى سلالم تانية يبقى لازم يكون لكل سلم اسم
و بالتالى السلم المشهور ده اسمه دو ماجور Major

و نلاحظ انه بدأ بـ ( دو ) و انتهى بـ (دو )

مع ملاحظة ان دو فى البداية لها تردد اقل من دو الاخيرة و كمان نقدر نقول بعد الدو الاخيرة يوجد رى ترددها اعلى من رى الاولى و هكذا

بالمثل يوجد رى ماجور يبتدى و ينتهى بالرى و هكذا


* ماهى القاعدة لتلك السلالم ؟
الفرق بين كل نغمة و نغمة حسب التردد بيسموه وحدة و تساوى 1
و لنأخذ الدو ماجور كمثال


دو --(+1)-->رى--(+1)-->مى--(+1/2)-->فا--(+1)-->صول--(+1)-->لا--(+1)-->سى--(+1/2)-->دو

قاعدة الماجور فى الجمع كما هو واضح من سلم الدو ماجور هى
1 1 1/2 111 1/2
واحدين , نص , 3 وحايد , نص


و من السطر السابق نفهم ان
دو +1 = رى
رى +1=مى
...............
و هكذا

أهم ملاحظة ان :
مى + 1/2 = فا
سى +1/2=دو

يعنى دول نغمتين الفرق بينهم 1/2 فقط

سؤال : لو مثلا قلنا
دو + 1/2 = ؟؟؟؟؟؟؟؟؟؟؟

إحنا عرفنا ان دو +1 =رى

أما دو + 1/2 = دو دييز
و نرمز له بالرمز ( دو # )

طبعا لا ينفع ان نقول مى + 1/2 = مى#
لان مى +1/2 = فا
ولو قلنا مى +1=؟؟؟؟؟؟
طبعا من خلال ماسبق نقول ان مى +1=فا# ( يعنى فا + 1/2 )

لو اخدنا مثال آخر لسلم ماجور
طبعا لا ننسى قاعدة الجمع 11 1/2 111 1/2
مثلا ناخد سلم الرى ماجور

رى--(+1)-->مى--(+1)-->فا#--(+1/2)-->صول--(+1)-->لا--(+1)-->سى--(+1)-->دو#--(+1)-->رى


طبعا نلاحظ ان وجود (دو # )و ( فا#) فى سلم الرى ماجور
و عشان نتأكد ان السلم صح لازم ينتهى بنفس النغمة
يعنى ابدأ بالرى و انتهى بالرى


و ياريت لو حد يحب يعمل سلم و يكتبه كتدريب و نشوف ان كان صح و لا فى مشاكل و لو فى مشكلة فى كلامى ممكن اعيد شرحه


اخوكم ميدو


انت رايح فين يعم الحاج هو انا لسه خلصت خليك معى
اوعى تروح كده ولا كده
وراك وراك مش هسيبك

طبعا انت كعازف جيتار لازم تحفظ نغمات الاوتار - 6 اوتار - من فوق لتحت بالترتيب


مى أو E
لا أو B
رى أو G
صول أو D
سى أو A
مى أو e

و طبعا هانقول شوية ملحوظات
1- عندنا أول وتر و آخر وتر نفس النغمة ( مى )

يبقى إيه الفرق بينهم ؟؟؟
طبعا إحنا سبق و قلنا ان النغمة ممكن تتكرر بتردد مختلف

بالتالى فإن المى الاولى ترددها أقل من المى الاخيرة

2- الترددات تبدأ من الاوتار العليا بالترددات المنخفضة ( صوت غليظ ) و تتدرج إلى اسفل فى الترددات إلى ان تصل إلى المى ذات التردد العالى ( صوت رفيع )

3- نلاحظ عدم وجود بعض النغمات على تلك الاوتار ( دو - فا - لا )
و كمان الدييز مش موجود ( دو# - رى# ...................) إوعوا حد يقول ( مي# ) هازعل



و أهم مصطلح فى الجيتار هو الفريت fret ( انظر الرسم )
و هى عبارة عن خطوط من النحاس عمودية على الاوتار

و عن طريقها نستطيع استنتاج نغمة من النغمات الغير موجودة ( بمجرد الضغط عند الفريت فإن التردد يزداد )

مثلا نقدر نعزف نغمة الـ (دو) أو (دو#) بالضغط على الفريت عند الوتر (لا)

السؤال الآن كيف يحدث هذا ؟؟؟؟؟؟؟؟؟؟؟؟؟؟؟؟

الإجابة : إننا بمجرد الضغط على الفريت الاولى فإننا نزيد النغمة بمقدار ( 1/2 ) و لو ضغطنا على الفريت الثانية فإننا نزيد بمقدرا (1) .............و هكذا يصبح كل فريت تزيد 1/2


كمثال :
مى +1/2 = فا
اول وتر ( مى) فلو ضغطنا على اول فريت ( نزيد 1/2) سنحصل على الفا
مع ملاحظة ان تردد تلك الـ(فا) ستكون منخضفة جدا ( صوت غليظ ) و آخر وتر ( مى أيضا ) لو علمنا نفس الشئ سنحصل أيضا على (فا) عالية جدا ( صوت مسرسع )

طبعا نقدر نحصل على اكتر من فا ( على سبيل المثال ) بترددات مختلفة كما هو واضح

****************************************
إيه رأيكم نبتدى التدريب على سلم الدو ماجور ؟
دو = ( وتر الـ(لا) الفريت رقم 3 ) .......... طبعا رقم 3 يعنى نزيد 3 انصاف = لا +3(1/2) = دو
رى = وتر الرى دون ضغط على أى فريت
مى = وتر الرى الفريت رقم 2........... طبعا لا نأخذ وتر المى العلوى ( لانه تردده أقل من النغمة السابقة (رى)) و لا نأخذ الـ(مى) السفلى ( لان التردد اعلى بكثير من النغمة التالية (فا)) وإحنا عاوزين ترددات تزداد تدريجيا حتى يكون تناسق فى سماع السل

نسيت ان اقول ان تمرن نفسك على وضع اصابع يدك اليسرى على الفريتات بالترتيب ( الاربع اصابع على 4 فريتات بالترتيب )

النهاردة راح اقول معلومات و مشاكل فى الجيتار كان المفترض انى اقولها فى البداية



- زن فى النغمة
و الزن ده سببه ان اصابعك غير قوى و يجب عليك عندما تضغط ان تضغط نحو الفريت fret ( انظر الرسمة فى المداخلة السابقة ) و لا تضغط فى منتصف الفريت بورد fretboard ( انظر الرسمة )

- كتمة فى النغمة
و يرجع هذا العيب لسببين إما انك لا تضغط بقوى كافية أو انك عن طريق الخطأ تكتمها باصابعك

- و معظم المبتدئين تقابلهم مشكلة و هى ان يضغط بيده اليسرى على وتر و يعزف بيده اليمنى وتر آخر


و كنصائح للمبتدئين بعيدا عن الدروس السابقة عليك ان تتمرن على الضغط الجيد على الوتر
ثم بعد ذلك حاول ان تمرن نفسك بحيث تعزف دون ان تنظر للاوتار

لان بعد تلك التمارين سوف تتمرن على الكوردات ... و الكوردات ستضغط على اكتر من فريت فى وقت واحد و تعزف اكتر من نغمة فى آن واحد

ماحدش عمل الواجب المرة إللى فاتت !!! عاوز اتأكد انكم استوعبتوا

ان شاء الله المرة الجاية نستكمل السلالم و سنأخذ سلم الماينر و علاقته بالماجور

بعد شرح الماينر احضرت لكم نغمات (وماله) لعمرو دياب

سبق و درسنا الماجور 11 (1/2) 111 (1/2)
أما الماينر 1 (1/2) 11 (1/2) 11



مثال (لا) ماينر
لا --(+1)--> سى --(+1/2)--> دو --(+1)--> رى --(+1)--> مى --(+1/2)--> فا --(+1)--> صول --(+1)--> لا

نلاحظ ان (لا) ماينر نفس نغمات دو ماجور , لذا يقال أن (لا) ماينر قرين دو ماجور . و لتجد ان الفرق =1.5


مقارنة بين الماجور و الماينر
1- من خلال المثال السابق
القرين الماجور = الماينر + 1.5
القرين الماينر = الماجور - 1.5

2- أما الاختلاف فعند الرجوع بالسلم ( من النهاية للبداية ) مش مشكلة فى الماجور
دو سى لا صول فا مى رى دو

أما الماينر فإننا نزيد 1/2 على النغمة قبل الاخيرة (صول ) لتصبح صول #
و يصبح السلم
لا صول# فا مى رى دو سى لا

آن الاوان لكى نرى ثمرة التعب البسيط و لنرى شئ بسيط جميل
لحن ميلودى (وماله) لعمرو دياب

طبعا لازم نعرف السلم بتاعها (رى ماينر) و انتم تطلعوا السلم فى البيت

النغمات التى تحتها خط نغمات ذات تردد عالى( مسرسع ) , أما التى ليس تحتها خط فترددها متوسط
و لن نستخدم الترددات المنخفضة

وماله لو ليلة تهنا بعيد
لالا صول فامى رى فامى رى

و سبنا كل الناس
رى لا صول لالا# صول

انا يا حبيبى حاسس بحب جديد
فافاصول لاصول فامى رى

مالينى بالإحساس
لالا رى دو# رى مى دو

ما انا هنا جنبى اغلى الناس
لالا دو لا دو رى لا#

جنبى أحلى الناس
لالا لا# لالا# دولا

قشطة يابا


فات الكتير ولا يبقى سوى القليل
تم شرح الميلودى بسلالمه , و يبقى الآن شرح الكوردات و تنفيذها على الجيتار

وبالنسبة للميلودى كل ماعليك هو ان تسمع اغانى و تحاول ان تعرف ما هو السلم لتلك الاغنية و ان تعزفها دون الخروج عن السلم

ركزوا جدا لان الدرس هذه المرة كبير شوية و صعب و هو يناسب فقط الذين عزفوا ميلودى فقط

الآن مع الكوردات
الكوردات هى العزف على أكثر من نغمة فى وقت واحد
لن تستطيع عزف الكوردات إلا لو كنت تعزف ميلودى لسببين مهمين
انك تتمرن على ضغط الفريت فى نغمة مفردة ثم تتمرن فى الضغط لاكثر من نغمة باكثر من اصبع
انك تتمرن على نقل صباع مفرد من نغمة لنغمة ثم تتمرن على نقل اكثر من اصبع لاكثر من نغمة
قوانين الكوردات
- لكل سلم (ماجور/ماينر)3 كوردات
- لكل كورد 3 نغمات
- يمكن فى اغنية واحدة نستخدم كوردات ماجور + قرينه الماينر

مثال كورد دو ماجور + (لا)ماينر

الخطوة الاولى :- معرفة اسماء الـ3 كوردات للسلم الواحد
سواء ماجور أو ماينر
الكورد الاول (اسم السلم) --(+2.5)--> الكورد الثانى --(+1)--> الكورد الثالث

ملحوظة هامة :- سلم الماجور كل كورداته ماجور
أما سلم الماينر ستجد اول كوردين ماينر و الثالث ماجور

مثال (1) دو ماجور
لدينا 3 كوردات دو , فا , صول ( كلها ماجور)
ولا ننسى ان كل كورد 3 نغمات

مثال (2) (لا)ماينر
لدينا 3 كوردات لا (ماينر ) , رى (ماينر ) , مى ماجور

بالتالى فان أى اغنية لها سلم دو ماجور أو (لا) ماينر فإننا نستخدم أى من الـ6 كوردات السابقة لكليهما


الخطوة الثانية :- معرفة نغمات كل كورد
الكورد الماجور له 3 نغمات
النغمة الاولى (اسم الكورد) --(+2)--> النغمة الثانية --(+1.5)--> النغمة الثالثة

و كورد الماينر نعمل عكس الماجور
النغمة الاولى (اسم الكورد) --(+1.5)--> النغمة الثانية --(+2)النغمة الثالثة

و لننظر إلى كوردات دو ماجور و (لا)ماينر كمثال :-
أولا : كوردات دو ماجور
كورد دو ماجور = دو , مى , صول
كورد فا ماجور = فا , لا , دو
كورد صول ماجور = صول , سى , رى

ثانيا : كوردات (لا)ماينر
كورد (لا)ماينر = لا , دو , مى
كورد رى ماينر = رى , فا , لا
كورد مى ماجور = مى , صول# , سى

و لاحظ ان الكوردات + نغمات الكوردات لا تخرج عن سلم دو ماجور أو (لا)ماينر و هذا يؤكد ان حساباتك صحيحة

ساحاول المرة القادمة شرح كيفية تطبيقه على الجيتار مع الصور


انتظرونى قريبا جداااااااااااااااااااااااااااا